సమావేశం లో కీలక నిర్ణయాలు

మిత్రులారా! ఈరోజు ఫేషియల్ యాప్ మరియు ఉమ్మడి సర్వీసు రూల్స్ నిబంధనలపై మంత్రిగారు చర్చ ప్రారంభించారు. ఉమ్మడి సర్వీసు రూల్స్ లేకుండా ఏకపక్షంగా ప్రభుత్వ పాఠశాలల ప్రధానోపాధ్యాయులకు ఎంఈవోలు డిప్యూటీవోలు ఇవ్వడాన్ని మేము ఉపాధ్యాయ సంఘాలుగా వ్యతిరేకిస్తున్నామని, ఏ విధంగా అంటే 26 జిల్లాల పునర్విభజన జరిగిన తర్వాత లోకల్ క్యాడర్ ఆర్గనైజేషన్ అనేది అన్నీ క్యాడర్లకు జరగాల్సిన తరుణంలో మీరు ప్రభుత్వ పాఠశాలల హెచ్.ఎం లకు ఇవ్వడం  371- డి అధికరణానికి వ్యతిరేకమని ఆవిధంగా రాజ్యాంగ స్ఫూర్తికి విరుద్ధమని తెలియజేయడం జరిగింది. అయితే ప్రభుత్వం వారు మేము ఇచ్చేటువంటి నియామకాలు కేవలం 248 మాత్రమేనని తాత్కాలికమైనవని ,పంచాయితీ రాజ్ ఉపాధ్యాయులకు 672 ఎంఈఓ పోస్టులు ఇవ్వనున్నామని,ఉమ్మడి సర్వీస్ రూల్స్ పరిష్కారం అయిన తరువాత కామన్ సీనియారిటీ తీసుకొంటామని విద్యాశాఖామంత్రి తెలియజేశారు.

>యాప్ ల విషయమై డివైజ్ లు ఇవ్వాలని    సంఘాలు పట్టుపట్టగా ఉన్న ఇబ్బందులను అధిగమించడానికి మరో పదిహేను రోజులు సమయం తీసుకొని సహకరించండని మంత్రిగారు తెలియజేశారు.

>అయినా మనం డివైజ్ లు ఇస్తే సజావుగా జరుగుతుందని మన అభిప్రాయాన్ని తెలియజేశాము.

>ఆఫ్ లైన్ లో పనిచేసే విధంగా యాప్ ను అప్ డేట్ చేశామని,శాలరీకి అనుసంధానం చేయమని,మంత్రి గారు తెలియజేశారు.యాప్ లపై మనకున్న అభ్యంతరాన్ని తెలియజేసి,ఉమ్మడి సర్వీసు రూల్స్ పై ఫెడరేషన్ తయారు చేసిన డాక్యుమెంట్ ను మంత్రిగారికి,కమీషనర్ గారికి ఇచ్చి డాక్యుమెంట్ ను వివరించడం జరిగింది.