TS: Notification for 1147 assistant professor posts in Telangana on September 26.. Vacancy details

* 1,147 ఉద్యోగాల భర్తీకి రంగం సిద్ధం 
 

 తెలంగాణలోని ప్రభుత్వ బోధనాసుపత్రులు, వైద్య కళాశాలల్లో 1,147 సహాయ ఆచార్యుల పోస్టుల భర్తీకి రంగం సిద్ధమైంది. ఈ మేరకు సెప్టెంబర్‌ 26న వైద్య ఆరోగ్య సేవల నియామక సంస్థ(ఎంహెచ్‌ఎస్‌ఆర్‌బీ) ప్రకటన వెలువరించనున్నట్లు వైద్యవర్గాలు తెలిపాయి. ఇప్పటికే ఎంహెచ్‌ఎస్‌ఆర్‌బీ ద్వారా 969 సివిల్‌ అసిస్టెంట్‌ సర్జన్ల నియామకాలను చేపడుతున్నారు. సహాయ ఆచార్యుల నియామక ప్రకటనలోనూ ప్రైవేటు ప్రాక్టీసుపై నిషేధం నిబంధన కొనసాగుతుంది. సివిల్‌ అసిస్టెంట్‌ సర్జన్‌ నియామకాల్లో అయితే ప్రైవేటు ప్రాక్టీసు నిషేధం నిబంధన అమల్లో ఉన్నా.. సుమారు 4700 మంది దరఖాస్తు చేశారు. ఈ పోస్టులన్నీ ఎంబీబీఎస్‌ అర్హతతో కూడినవే కావడంతో ప్రైవేటు ప్రాక్టీసు నిషేధాన్ని పెద్దగా పట్టించుకోలేదనే అభిప్రాయం వ్యక్తమవుతోంది. అయితే, సెప్టెంబర్‌ 26న  ప్రకటన వెలువడనున్న సహాయ ఆచార్యుల పోస్టులన్నీ స్పెషలిస్టు, సూపర్‌ స్పెషలిస్టు పోస్టులు. వీటికీ ప్రైవేటు ప్రాక్టీసు నిషేధాన్ని వర్తింపజేస్తున్న నేపథ్యంలో ఎంత మేరకు అభ్యర్థుల నుంచి స్పందన లభిస్తుందనేది వేచి చూడాలి. ప్రైవేటు ప్రాక్టీసుపై ముందుగానే స్పష్టత ఇచ్చిన నేపథ్యంలో ప్రభుత్వ వైద్యంలోకి రావాలనుకునే వారే దరఖాస్తు చేసుకుంటారని వైద్యవర్గాలు పేర్కొంటున్నాయి. వచ్చే మూడు నెలల్లోగా నియామక ప్రక్రియను పూర్తి చేస్తామని తెలిపాయి. ఈ పోస్టుల భర్తీలోనూ అనుభవాన్ని పరిగణనలోకి తీసుకుంటారు. 

కొత్తగా భర్తీ చేయనున్న సహాయ ఆచార్యుల పోస్టులు